Ардагерлерімізді ардақтайық!

06.05.2021

Ұлы Жеңістің 76 жылдығына орай, бүгін Павлодар педагогикалық университеті ҰОС ардагерлері мен тыл еңбеккерлерін құттықтады. Басқарма төрағасы-ректор Жанбол Жилбаев өзі бас болып, университеттің тәрбие жөніндегі проректоры О.К.Андрющенко және кәсіподақ төрағасы Р.Р.Жаева Павлодар пед.университетінің соғыс және тыл ардагерлерінің үйлеріне барып, арнайы құттықтады. Ер азаматтармен бірге соғысқа аттанып, бейбіт өмірде еңбекпен шыныққан бұл ардагерлеріміздің орны бөлек. Афанасьева Валерия Никандровна Павлодар педагогикалық университетінде 1981жылдан бастап 39 жыл үздіксіз еңбек еткен. Орыс тілі мен әдебиеті кафедрасының профессоры. Еңбек және тыл ардагері. Ахметзянова Надия Хабибрахмановна 1970 жылдан бастап осы оқу орнында  26 лет қызмет істеген. Ленинград қоршауында болған соғыс ардагері. Университет басшысы ардагерлерді гүлмен құттықтап, тәтті сый-сияпаттар мен ақшалай сыйлықтарын тарту етті. Зағыпаров Қабиден Фатқоллаұлы 1973 жылдан бері Павлодар педагогикалық университетінде қызмет етіп келеді. Философия, құқық және экономика кафедрасының профессоры, еңбек өтілі — 39 жыл.  «Еңбек ардагері» медалінің иегері. Тыл ардагері. Отан үшін от кешкен асыл азаматтарымыз қандай құрметке де лайық. Университет ректоры Жанбол Октябрович Қабиден Фатқоллаұлын жақында өткен мерейтойымен, әрі мерекесімен құттықтап, иықтарына шапан жапты. Осындай құрметке бұл күні университетіміздің 13 ардагері ие болды. Ардагерлерімізді ардақтайық! Мереке құтты болсын!