«АҚИҚАТТЫҢ» АЛТЫН ҚОРЫНА +1 КУБОК

20.05.2024

«Ақиқат»пікірсайыс клубының белсенділері тағы бір дебат сайысынан олжалы оралды. Өткен сенбі-жексенбі күндері Семей қаласында “Salauat Cup X” республикалық пікірсайыс турнирі өтті. Оған Марғұлан университеті «Ақиқат» клубының ойыншылары – Айткенова Аида және Төлеш Бекжан қатысып, жеңіс тұғырынан көрінді. «Абай» фракциясының ойыншылары жастар алаңының жеңімпазы атанып, турнирдің арнайы кубогын ұтып алды.

Ұйым жетекшілерінің айтуынша, турнирге 32 команда қатысқан. Екі күнге жалғасқан ойын Британдық парламенттік формат және Линкольн-Дуглас форматы бойынша өтті. Біздің пікірсайысшылар 7 раунд ойнап, барлығында нәтижелі ойын көрсеткен.

Айта кету керек, «Ақиқаттың» жас қатарында өнер көрсететін Айткенова Аида мен Төлеш Бекжан Марғұлан университетінің математика және тарих мамандықтары бойынша білім алады.