“AQIQAT CUP XII” РЕСПУБЛИКАЛЫҚ ПІКІРСАЙЫС ТУРНИРІ

24.04.2023

Ә.Марғұлан атындағы Павлодар педагогикалық университетінде Алаш қозғалысының қайраткері, ақын, қазақ әдебиетінің тау тұлғасы Мағжан Жұмабаевтың 130 жылдық мерейтойына орай «Заулап, өрлеп аспанға» атты ректор кубогына арналған “AQIQAT CUP XII” Республикалық пікірсайыс турнирі өтті. Турнирге еліміздің жан-жағынан жиналған пікірсайысшылар қатысты. Пкір сайыс турниріне Қарағанды,Семей, Өскемен, Астана, Көкшетау, Қостанай және  Павлодар қалаларынан 32 фракция келіп қатысты.  Турнир Британдық Парламенттік формат, Линкольн-Дуглас пікірталастар форматында өтті. 4 іріктеу раунды және финал мен жартылай финал ойындары болды. 

Турнир нәтижесі бойынша, Астана және Семе қалаларынан келген Исахан Нұрбақыт пен Шөлібай ӘлиАсқар жеңімпаз атанып, ректор кубогын олжалап қайтты.  ІІ орын "Дочь моей мачехи - моя бывшая девушка'' фракциясының ойыншылары  Нұртас Күздеубаев пен Балхан Мухаммедәмзеде. Турнирдің үшінші жүлдесін "78:8" фракциясы қанжығалады. Оның құрамында Ералы Нұрхан және Ерболат Бекболат деген ойыншылар болды.

Ал турнирдің финалистері атағын "1045/1" фракциясындағы Пазылханқызы Рабиға мен Итегулов Ақылжан еншіледі.  Жастар алаңының жеңімпаздар тұғырынан “Любовница” фракциясы (Бағдат Алиби, Ескермес Жаннұр) көрінді.  "Үздік спикер" номинациясымен Күздеубаев Нұртас, " Үздік жас спикер" номинациясымен Қадырғазыев Нұрсұлтан марапатталды.

Жеңімпазға тігілген ректор кубогын “Ирония судьбы” фракциясының ойыншылары Исахан Нұрбақыт пен Шөлібай Әлиасқар еншіледі.

Барлық жеңімпаздарды шын жүректен құттықтаймыз! Ұйымдастырушылар Ә.Марғұлан атындағы Павлодар педагогикалық университетінің басқарма төрағасы-ректор Жанбол Жилбаевқа және басқарма мүшелеріне алғыстарын білдірді.