АҚЫНДАР МҮШӘЙРАСЫНЫҢ ЖЕҢІМПАЗДАРЫ МАРАПАТТАЛДЫ

05.10.2022

Павлодар педагогикалық университеті гуманитарлық ғылымдар жоғары мектебінің «Қазақ тілі» апталығының аясында студенттер арасында ақындар мүшәйрасы өтті. Кешті гуманитарлық ғылымдар жоғары мектебінің әдебиет бағытында құрылған «Құс қанат ғұмыр» ақындар клубы ұйымдастырды. Мүшәйра үш кезең бойынша өтті. Бірінші кезеңде "Білім ордам" тақырыбы бойынша университеттің 60 жылдық мерейтойына арнау, екінші кезеңде еркін тақырыпта өлең шығаруы керек. Ал үшінші кезеңде 15 минут ішінде берілген тақырыпқа орай 1 шумақ өлең жазуы тиіс.

Қазылар алқасының шешімі бойынша Бас жүлдені қазақ тілі мен әдебиеті мамандығының 1– курс студенті Аманбек Сұлтанбек жеңіп алды. 1-орынды қазақ тілі мен әдебиеті мамандығының студенті Қали Бекзат иеленсе, 2-орынды Құрманбай Сымбат еншіледі, 3-орынды – тарих мамандығының студенті Маратов Мейіржан иеленді.

Жеңімпаздар мен жүлдегерлер арнайы допломдармен және бағалы сыйлықтармен марапатталды.