АЛТЫНСАРИН АТЫНДАҒЫ ГИМНАЗИЯ ОҚУШЫЛАРЫМЕН КЕЗДЕСУ

05.10.2023

Биыл Ы.Алтынсарин атындағы қазақ гимназия- интернаты 60 жылдық мерейтойын атап өтуде. Осыған орай тілдер апталығы аясында, төртінші қазан күні "Шетел тілі: екі шетел тілі" білім беру бағдарламасының жетекшісі Жолдабаева А.С. және АҚШ-тан келген оқытушы, English Language Fellow, Ghadah Rahman белгілі TedTalks форматындағы кездесуге шақырылды. Кездесудің шымылдығын Алия Садуовна алғы сөзімен ашып, мектеп оқушыларына кәсіби бағдар беріп, оларды қызықтырған сұрақтарға жауап берді.

Ghadah Rakhman Tedtalks сұрақ- жауап форматында сөз сөйледі, оқушыларға өз ұсынымдарын ұсынды. АҚШ-тан келген оқытушы болашақ түлектерге негізгі жоғары білімді алуда туған қалаларында орналасқан ЖОО-ны таңдауға кеңес берді, себебі туған үй, туған қаланың топырағы да адамға рух, жігер беретіндігін алға тартты. Сонымен қатар бүгінгі күні "Шетел тілі: екі шетел тілі" білім беру бағдарламасының он студенті аталмыш мектепте педагогикалық практикадан өтуде.

Мұғалімдер біздің студенттердің жұмыстарын жоғары бағалауда, сәйкесінше жағымды көзқарастарын білдіріп, оң кері байланыс танытуда.

Ы.Алтынсарин атындағы қазақ гимназия- интернаты "Шетел тілі: екі шетел тілі" білім беру бағдарламасының қолдау көрсететін серіктес мектептерінің бірі болып табылатындықтан, бұл мектеп мұғалімдері кездесу, дөңгелек үстел және семинарларға жиі шақырылады, нәтижесінде тығыз әріптестік жүзеге асырылуда.