АЛТЫНАЙ НҰРХАНОВА - ЕКІНШІ ОРЫН

11.11.2024

Тараз қаласында қазақ күресі бойынша Қазақстан чемпионаты аяқталды. Жарысқа облыс намысын арқалап барған спортшылардың бірі - Марғұлан университетінің студенті Алтынай Нұрханова. Ол жарыс қорытындысы бойынша екінші орынға ие болды.

Марғұлан университетінің оқытушысы, қазақ күресінен жаттықтырушы Қайрат Баязитовтің сөзінше, Алтынай Нұрханова 52 келі салмақта белдесіп, күміс медальға қол жеткізді. Алтынай жоғары дайындықтың нәтижесінде қарсыластарының барлығынан басым түсіп, тек финалдық белдесуде жол берді. Еске сала кетейік, Алтынай Нұрханова биылғы V Дүниежүзілік көшпенділер ойындарының қола жүлдесін жеңіп алған болатын. Одан басқа да көптеген жарыстардың жеңімпазы.

Таразда өткен Қазақстан чемпионатында тағы бір жерлесіміз - Мұхтар Дәлелхан жеңіс тұғырынан көрініп, алтыннан алқа тақты.