ӘЛЕМДІК ТУРНИРДЕ - ҮШІНІШІ ОРЫН

21.11.2024

Марғұлан университетінің студенттері түрлі әлемдік додаларда бақ сынап, университеттің ғана емес еліміздің туын көтеріп жүр. Солардың бірі - Баширов Бектас жақында Венгрияның Будапешт қаласында өткен ашихара-каратэден әлем чемпионатына қатысып, 65 келіге дейінгі салмақ дәрежесінде 3 орынды жеңіп алды.
Ауқымды турнирге 25 елден 500-ге жуық жауынгер қатысты. Қазақстан құрамасынан 42 спортшы жүлделі орындарға ие болып, ел намысын аспандатты. Атап айтар болсақ, 15 бірінші орын, 17 екінші орын, 10 үшінші орын еншіледі. Осы көрсеткіштердің нәтижесінде Қазақстан құрамасы жалпы командалық есепте екінші орынға ие болды.