АҒЫЛШЫН ТІЛІНДЕ ПІКІРСАЙЫС ӨТТІ

28.05.2024

Назарбаев Университетінің базасында қазақстандық жоғары оқу орындарының студенттері арасында “2024 Fulbright, English Language Fellow Debate Conference” ағылшын тілі бойынша конференция - пікірталас өтті. Сайысқа Марғұлан университетінің студенттері де қатысып, жақсы өнер көрсетіп қайтты.Бұл пікірталас ойындары АҚШ-тың Қазақстандағы Елшілігінің бастамасымен және қолдауымен өтті.
Қазақстанның түрлі жоғары оқу орындарынан келген 50-ден астам студент 8 раундта 4 топқа бөлініп өнер көрсетті. Яғни, солтүстік, оңтүстік, батыс және шығыс топтары бойынша өзекті және жаһандық тақырыптар бойынша ағылшын тілінде пікірсайыс өткізді.
Павлодар педагогикалық университетінің командасында Бахи Альфия мен Сағындық Еділ ойнады. Команда жетекшілері «Шет тілі» ББ жетекшісі Әлия Жолдасбаева және ағылшын тілі мұғалімі Гада Рахман (АҚШ), студенттермен бірге жүрді.
Біздің студенттер үшін бұл пікірталас үлкен тәжірибе және пайдалы сынақ болды. Ал Альфия мен Еділ өз міндеттерін лайықты орындап, 7 раундқа дейін жетті.
Сондай-ақ, біздің команда АҚШ-тың Қазақстандағы елшісі Дэниел Розенблюммен танысуға және жеке сөйлесуге мүмкіндік алды.