АДЛЕН ӘЛЕМ ЧЕМПИОНАТЫН БАҒЫНДЫРДЫ

09.09.2024

Марғұлан университетінің студенттері әлемдік додаларда топ жарып, түрлі жарыстрада чемпион атанып, ел намысын абыроймен қорғап жүр. Біздің студенттер қатарында облыс немесе республика ғана емес, әлем чемпиондары да бар. Атап айтсақ, өнер және спорт жоғары мектебінің 3 курс студенті Адлен Сәкенов гір тасын көтеру спорты бойынша әлем чемпионатын бағындырды. Чемпионат Қырғызстан республикасының Чолпон-ата қаласында өтіп, оған 18 мемлекеттен 500-ден астам спортшы қатысқан. Қазақстан ұлттық құрамасының сапында ел намысын қорғаған Адлен Сәкенов 68 келі салмақ дәрежесінде бақ сынады. Ол өз кезегінде 24 келі гір тасын 168 рет көтеріп, бірінші орынды жеңіп алды. Адленнің чемпиондық медалі бұл ғана емес, биыл жазда
Қытайдың Тайвань қаласында өткен Азия чемпионда тағы чемпион атанған болатын.