"ADAL BOL" байқауының жеңімпаздары мен "SANALY URPAQ" клубының мүшелері марапатталды

09.12.2021

Павлодар педагогикалық университетінде Қазақстан Республикасының Тәуелсіздігінің 30 жылдық мерейтойы қарсаңында, Халықаралық сыбайлас жемқорлыққа қарсы күрес күні мерекесіне орай Университет студенттерінің арасында адалдықты насихаттау және жемқорлыққа қарсы мәдениетті қалыптастыру мақсатында өткен «ADAL BOL» атты онлайн-байқауының жеңімпаздарын марапаттау және «Sanaly urpaq» клубының мүшелеріне төс белгі табыстау салтанатты өтті.

Салтанатты жиынға Павлодар облысы бойынша сыбайлас жемқорлыққа қарсы ақпараттық-ағарту штабының басшысы Еркеғали Жанғазы және Павлодар облысы бойынша «Ертіс-адалдық алаңы» проекттік офисінің жетекшісі Шерхан Қоқанов қатысып, студенттерді мерекемен құттықтап, марапаттау рәсімін өткізді.

«ADAL BOL» атты онлайн-байқауына қатысып, қазылар алқасының шешімі бойынша:

1 орын – «Құс қанат ғұмыр» студенттік шығармашылық ұйымы;
2 орын – гуманитарлық ғылымдар жоғары мектебінің студенті – Қанатбекұлы Арнұр;
3 орын – «Кәсіпкерлер» командасы жеңіп алды.

Жеңімпаздар алғыс хатпен және басқарма төрағасы-ректор Жанбол Жилбаевтың ақшалай сыйлықтарымен марапатталды. Сонымен қатар, барлық байқауға қатысушылар қатысқаны үшін алғыс хаттар табысталды.

Кеш соңында, Халықаралық сыбайлас жемқорлыққа қарсы күрес күні мерекесіне орай Университетіміздегі «Sanaly urpaq» клубының мүшелері жемқорлыққа қарсы мәдениетті қалыптастыруға қосқан үлесі үшін Павлодар пеагогикалық университетінің адалдық және әдеп жөніндегі жауапты өкілі, академиялық мәселелр жөніндегі проректордың міндетін атқарушы Ольга Андрющенконың алғыс хатымен және төс белгімен марапатталды.

Жания Батырова «Sanaly urpaq» жемқорлыққа қарсы күрес студенттік клубының жетекшісі болып тағайындалды.