АБАЙТАНУДЫҢ ӨЗЕКТІ МӘСЕЛЕЛЕРІ ТАЛҚЫЛАНДЫ

16.04.2020

Гуманитарлық ғылымдар жоғары мектебінде төтенше жағдай кезінде де белгіленген іс-шаралар жоспарға сәйкес онлайн өткізілуде. «Қазақ тілі мен әдебиеті» ББ тарапынан Абай Құнанбаевтың 175 жылдығына арналған «Абайтанудың өзекті мәселелері» тақырыбында онлайн-семинар ұйымдастырылды. Аталған іс-шараға гуманитарлық ғылымдар жоғары мектебінің деканы, вице-декандар, студенттер, магистранттар мен профессор-оқытушылар құрамы белсене қатысты. Абайдың «Жидебай-Бөрілі» мемлекеттік қорық-мұражайы директорының ғылыми жұмыстар жөніндегі орынбасары Кайрамбаева Мейрамгүл Сейітжапарқызы мен ПМПУ филология ғылымдарының кандидаты, доцент Әміренов Әділбек Дәуітбекұлы баяндама жасады. Баяндамашылар қатысушылар тарапынан өздерін қызықтырған сауалдарға жауап беріп, іс-шараның мазмұнды өтуіне барынша атсалысты. 

Профессор-оқытушылар мен студенттер семинар қонағына, баяндамашыларға шексіз алғыстарын білдірді.

 Қаршығанов Наурызбай, Гуманитарлық ғылымдар жоғары мектебінің вице-деканы