«АБАЙ ЖОЛЫ» РОМАНЫН САХНАЛАДЫ

15.05.2023

Ә.Марғұлан атындағы Павлодар педагогикалық университетінің Гуманитарлық ғылымдар жоғары мектебінің студенттері М.Әуезовтың Абай жолы романының желісімен «Знай, потомок, дорогу я для тебя стлал» тақырыбындағы қойылымын сахналады. Үш айға созылған үлкен дайындық нәтижесінде студенттер көрерменнің зор ықыласына бөленді. Спектакльде ұлы Абайдың бала кезін ҚТӘ-13 тобының студенті Зәуреш Ғанибекқызы, ересек шағын Рамазан Дәуренбекұлы, әкесі Құнанбайды Тоқтар Нұрланұлы сомдады. Абайдың ғашығы Тоғжан рөлін Адема Әбусейітова әдемі аша білді. ШТӘ-13 тобының студенті Дастан Ғазизұлы Қодардың рөлін таңдап, асқан шеберлікпен ойнап шықты. Спектакльде гуманитарлық ғылымдар жоғары мектебі студенттері өздеріне берілген рөлдерді жауапкершілікпен, абыроймен алып шықты. Қойылымның көркемдік жетекшісі Омаров Нұрлан Рамазанұлы.