МАРҒҰЛАН УНИВЕРСИТЕТІНІҢ СТУДЕНТІ БЕЛБЕУ КҮРЕСІНЕН ӘЛЕМ ЧЕМПИОНАТЫНДА ҚОЛА АЛДЫ

17.07.2023

Марғұлан университетінің Жоғары өнер және спорт мектебінің 3 курс студенті Айтмұхамбетов Алдияр 14-16 шілде күндері Астана қаласында өткен белбеу күресінен әлем чемпионатында жүлделі 3-орынға ие болды. Әлем чемпионатына 30 елден 250-ге жуық спортшы қатысты.

Павлодар облысының бас бапкері Серік Ещановтың айтуынша, Алдияр Айтмұхамбетов 82 келіге дейінгі салмақта өнер көрсетті. Оған Қырғызстан, Молдова және Ресейдің мықты қарсыластарымен жұдырықтасуға тура келді. Финалда Алдияр қырғыз спортшысынан аз ғана есеппен ұтылды.

Алдияр Түркіменстан балуанымен болған жекпе-жекті сенімді жеңіспен аяқтап, үшінші орынға ие болды. «Алдияр – жастар санатынан ересектер санатына енді ғана ауысқан өте жас спортшы. Оның жарқын жеңістері әлі алда деп ойлаймын. Одан үлкен үміт күтеміз», – дейді Серік Салахиденұлы.

Серік Ещановтың жетекшілігімен Алдияр Алматы мен Астанадағы оқу-жаттығу жиынының екі кезеңінен сәтті өтті. Оқу-жаттығу жиынының қорытындысы бойынша Қазақстан құрамасының сапына қосылып, әлем чемпионатында тамаша нәтиже көрсетті.

Алдияр Айтмұхамбетов 2003 жылы Шарбақты ауданы, Есілбай ауылында дүниеге келген. Спортшыға мықты негізгі дайындық берген алғашқы бапкері – оның әкесі Еркін Әліғожин. Университетте оны Өнер және спорт жоғары мектебінің оқытушысы Қайрат Темірболатов тәрбиелейді. Спортшы мен оның жаттықтырушыларын әлем чемпионатындағы тамаша өнерлерімен құттықтап, алдағы уақытта да спорттық жеңістер тілейміз!