17 ҚАРАША - ХАЛЫҚАРАЛЫҚ СТУДЕНТТЕР КҮНІ ҚҰТТЫ БОЛСЫН!

17.11.2023

Құрметті Марғұлан университетінің студенттері! Сіздерді Халықаралық студенттер күнімен шын жүректен құттықтаймын! Ертіс-Баян өңірі ұстаздарының қара шаңырағы - Марғұлан университетінде 5 мыңға жуық студент білім алады. Биылғы оқу жылының өзінде 1,5 мыңнан астам студент университет табалдырығын аттады. Мұнда сіздердің сапалы білім, саналы тәрбие алып, болашақта білімді азамат, білікті маман болып шығуларыңызға барлық жағдай жасалған. Білім алушы жастарымыздың болашағы жолындағы игілікті істер әлі де жалғасын таба береді.
Құрметті студенттер, жас достар! Студенттік өмір - адам баласының ең қызықты әрі маңызды сәттерінің бірі. Жалындаған жастық шақтарыңызда ізгілікті іспен айналысып, еліміз үшін пайдалы азамат ретінде қалыптасу - өз қолдарыңызда!

Сіздерге мықты денсаулық, отбасыларыңызға амандық, білім мен ғылым жолында үлкен жетістіктер тілеймін!

Ізгі ниетпен, Марғұлан университетінің ректоры Жанбол Жилбаев