12 СӘУІР - ҒЫЛЫМ ҚЫЗМЕТКЕРЛЕРІ КҮНІ

12.04.2020

Құрметті әріптестер! Сіздерді ғылым қызметкерлері күнімен шын жүректен құттықтаймын! Бұл күн Қазақстан ғылымының іргетасын қалаушы таутұлғаның туған күнімен тікелей байланысты. Ол әйгілі геолог, ірі ғылым ұйымдастырушысы, мемлекет және қоғам қайраткері, ҚР Ғылым Академиясының тұңғыш президенті, академик Қаныш Имантайұлы Сәтбаев. Қазақстанның өнеркәсібінің дамуы мен тарихы, ғылымы мен мәдениетінің дамуы да тікелей Қаныш Сәтбаевтың есімімен байланысты. Ғылым елдің экономикалық-әлеуметтік дамуында әрқашан маңызды роль атқарады. Қазақстан ғалымдары көптеген мәселелерді шешу мен отандық ғылымның маңызды бағыттарын дамытуда ерекше еңбек етіп, жаңа технологиялар енгізіп, жас ғалымдарды дайындауда. Тиісінше мемлекет те өз тарапынан ғылыми орталықтарға қолдау көрсетіп, кәсіби өрлеуі жолында маңызды шаралар қабылдап келеді.

Құрметті әріптестер, Сіздерге зор денсаулық, мол бақыт, ғылым жолындағы еңбектеріңізге табыс, шығармашылық энергия мен шабыт, жаңа ғылыми жаңалықтар ашуларыңызды тілеймін!

Ізгі ниетпен, Павлодар мемлекеттік педагогикалық университетінің ректоры Алтынбек НУХҰЛЫ