1-КУРС СТУДЕНТТЕРІНІҢ ҚҰРМЕТІНЕ АРНАЛҒАН МЕРЕКЕЛІК КЕШ

07.10.2022

Павлодар педагогикалық университетінің 4-курс студенттері оқуға биыл қабылданған бірінші курс студенттерінің құрметіне мерекелік шара ұйымдастырды. Мақсаты - оқу орын табалдырығын енді аттаған жастардың жаңа ортаға үйренуіне, бейімделуіне қолдау көрсету және алыстан келіп, отбасын сағынып жүрген студенттердің көңілін көтеру.

Мерекелік шараға жаратылыстану ғылымдары жоғары мектебінің деканы Ермек Ғабдуллин қатысып, жаңа өмірге қадам басқан 1-курс студенттерін құттықтады. Сонымен қатар, білім беру бағдарламаларының жетекшілері өз шәкірттеріне жаңа оқу жылында сәттілік тілеп, оқуда жоғары нәтижелер мен жетістікке жету жолында сәттілік тілеп, кеңестерін берді.

ППУ жаратылыстану жоғары мектебінің тәрбие және әлеуметтік жұмысы бойынша вице-декан Жарқын Қабдоловтың айтуынша, биыл аталған жоғары мектепке еліміздің әр облысынан келген 145 студент қабылданған. Олар 14 мамандық бойынша білім алады.

- Біздің жоғары мектепке жаңа келген студенттерге құрмет көрсетіп, қарсы алу жоғарғы курс студенттерінің жылдағы бұзылмас дәстүрі. Алдағы уақытта да олардың үйреніп, жақсы білім алуына жағдай жасасалды, - дейді ол.
Мерекелік шара барысында өнерпаз жастар ән мен күйден шашу шашса, соңы көңілді би кешімен жалғасын тапты.