Тарих

1974 жылы Павлодар педагогикалық институтының филология факультеті жанынан ағылшын тілі кафедрасы және шет тілдер бөлімшесі құрылды.

1977 жылы Шет тілдер факультеті құрылды. Шет тілдер факультетінің алғашқы деканы филология ғылымдарының кандидаты, доцент Жармакин Олжабай Қайкенұлы болды.

Кейіннен әр жылдары декандар: педагогика ғылымдарының кандидаты, доцент Соловьев Юрий Георгиевич, филология ғылымдарының кандидаты, доцент Пахуткин Петр Иванович, аға оқытушы Пахуткина Фарида Гандалифовна, педагогика ғылымдарының кандидаты, доцент Солонцова Людмила Павловна және басқалар болды.

Шет тілдер кафедрасы, 1970-ші жж.

Кафедра оқытушылары, 1970-ші жж.

Бітіру кеші (1985 ж.)

Факультетте әр жылдары қала мен республикаға белгілі жоғары мектеп педагогтары жұмыс істеді, олардың арасында танымал әдіскерлер мен лингвистер – п.ғ.к., доцент Ю. Г .Соколов; п.ғ.к., доцент Я. Е. Шапиро; ф.ғ.к., доцент С. А. Мегентесов, ф.ғ.к., доцент А. М. Собиров; ф.ғ.к., доцент Пахуткин П. И.; ф.ғ.к., доцент Т. Н. Федуленкова; ф.ғ.к., доцент Т. Н. Шапиро; доцент Демесинова Г. Х.; ф.ғ.д., доцент Воловик А.; п. ғ. к., доцент Аренова Т. В.; аға оқытушылар Гахова В. В.; Гайсина З. Б.; Трушкова Е. Г.; Кечерукова М. Г.; Баскова Л. П.; Рейн А. К.; Анзельм Р. Д.; Маурер Э. О.; Пахуткина В. Г.; Ткаченко П. Г., Ткаченко И. С. және т.б.

1997 жылы Шет тілдер факультеті Филология факультетімен біріктіріліп, тарих-филология факультеті, одан әрі Павлодар мемлекеттік университетінің тіл, әдебиет және өнер институты құрамында жұмыс істеді.

2004 жылдың қыркүйегінде Павлодар мемлекеттік педагогикалық институты С.Торайғыров атындағы ПМУ құрамынан шығарылғаннан кейін шет тілдер факультеті қайта ұйымдастырылды. Шет тілдер факультетінің деканы болып ф.ғ. к., доцент Р. Ж. Саурбаев тағайындалды.

2009 жылдан бастап шет тілдер факультеті филология факультетінің құрамына кірді, факультет деканы болып С. Н. Сутжанов тағайындалды, ағылшын және неміс тілдері кафедралары шет тілдер кафедрасына біріктірілді, шет тілдер кафедрасының меңгерушісі болып п. ғ. к., доцент, профессор Л. П. Солонцова тағайындалды.

2012 жылы оның орнына ф.ғ.к., профессор Р. Ж. Саурбаев тағайындалды, 2013 жылдан бастап кафедра меңгерушісі п. ғ. к., Нығметова Б. Д. тағайындалды, 2016 жылдан бастап 2018 жылдың қыркүйегіне дейін кафедра меңгерушісі ф. ғ. к., доцент Г. К. Кенжетаева болды.

2018 жылдың қыркүйек айынан бастап шет тілдер кафедрасының меңгерушісінің м. а. PhD докторы, ПМПУ қауымдастырылған профессоры Ахметбекова А. М. болды.

2019 жылдың қараша айында университеттің қайта құрылуына байланысты кафедра білім беру бағдарламасына айналды. Қазіргі уақытта ББ басшысы Жолдабаева Алия Садуовна болып табылады.