ҚҰРМЕТТІ СТУДЕНТТЕР!!!

Сізге 2022-2023 оқу жылының күзгі семестрінде бакалавриат студенттері үшін академиялық оралымдылық бағдарламасы бойынша шетелде (Еуропа елдері) оқу конкурсына қатысу үшін құжаттар тапсыру мерзімінің ұзартылуы туралы хабарлаймыз.

Құжаттарды тапсырудың соңғы мерзімі - 2022 жылғы 29 сәуір.

Конкурсқа қатысу үшін қажетті құжаттар:

1. білім алушының нысан бойынша өтініші;

2. ҚР азаматы төлқұжатының көшірмесі;
3. ЖОО-ның мөрімен куәландырылған ағымдағы үлгерімі туралы транскрипт (2 дана);
4. шетел тілін меңгеру деңгейін растайтын құжат (үміткер төмендегі құжаттардың бірін ұсынады):
• шетел тілін білуді бағалаудың халықаралық жүйелері (IELTS, TOEFL) арқылы алынған сертификат болған жағдайда немесе
• шетел тілінің деңгейі бар студентті қабылдауға шетелдік жоғары оқу орнының келісім хаты немесе,
• қазақстандық ЖОО-ның тестілеу нәтижесі (В2 деңгейінен төмен емес) (тестілеуді интернационалдандыру бөлімі 105 кабинетте өткізеді);
5. № 072/у нысаны бойынша медициналық анықтама (шетелге шығушыға; үміткер шақырушы университеттен шақыру хатын алғаннан кейін);
6. нысан бойынша шетелге оқуға шығатын Қазақстан Республикасы азаматының толтырылған сауалнамасы;
7. Қазақстан Республикасынан кету кезінде он сегіз жасқа толмаған жағдайда үміткердің ата-анасының, қорғаншыларының, заңды өкілдерінің шетелге шығуға жазбаша келісімі;
8. студенттің көп балалы отбасынан шыққандығын растау үшін отбасы құрамы туралы құжат;
9. студентте ата-анасының болмауын растайтын құжат (жетімдерге немесе ата-анасының қорғаншылығынсыз қалған студенттер санаты үшін (бар болған жағдайда);
10. студенттің мүгедектігін растайтын құжат (жеке өтініш бойынша СҚКО-да беріледі).
11. университетте оқу уақытында алынған грамоталардың, сертификаттардың, дипломдардың көшірмелері (бар болған жағдайда);
12. өлшемді 3x4 4 дана

Конкурсқа құжат тапсырудың екі тәсілі бар:

• Интернационалдандыру бөлімі арқылы (бас ғимарат, 105 кабинет)
• «электрондық үкімет» веб-порталы арқылы

Барлық сұрақтар бойынша +7-7182-65 16 09 телефоны немесе inter_pspi@mail.ru эл. поштасы арқылы интернационалдандыру бөліміне хабарласыңыз.