СПАРТАКИАДА ОЙЫНДАРЫНДА ВОЛЕЙБОЛДЫҢ ЖЕҢІМПАЗДАРЫ АНЫҚТАЛДЫ

21.02.2024

Жақында Әлкей Марғұлан атындағы Павлодар педагогикалық университетінің қызметкерлері мен оқытушылары арасында дәстүрлі спорттық спартакиадасы басталған болатын. Жарысқа барлығы жеті команда қатысып жатыр. Олар – Әкімшілік департаменті, шаруашылық департаменті, гуманитарлық ғылымдар жоғары мектебі, жаратылыстану ғылымдар жоғары мектебі, өнер және спорт жоғары мектебі, педагогика жоғары мектебі және М.Қанапиянов атындағы жоғары колледж ұжымы. Спартакиада барысында командалар волейбол, баскетбол, шахмат, тоғызқұмалақ, қысқы эстафета және үстел теннисі спорт түрлері бойынша бақ сынап, тартысты да тамаша ойын көрсетіп жатыр. Бүгін волейбол бойынша жеңімпаздары анықталды. Финалдық кезеңде өнер және спорт жоғары мектебі мен жаратылыстану жоғары мектебінің ойыншылары бір-біріне лайықты қарсылас болды. Нәтижесінде өнер және спорт жоғары мектебінің командасы жеңіске жетті. Жаратылыстану жоғары мектебі екінші орыннан көрінсе, әкімшілік командасы үшінші орынды еншіледі.

Жекелей ойыншылар арасына әкімшілік командасының мүшесі Абзал Адоллаев «Үздік шабуылшы» атанса, Дария Әбікенова «Үздік қорғаушы» номинациясын жеңіп алды.