Шет тілдер кафедрасында АҚШ-тан келген оқытушы

2019 жылдың 9 қыркүйегінен бастап американдық оқытушы ағылшын тілінің стипендиаты бағдарламасы бойынша шет тілдер кафедрасында жұмыс істеуге кірісті. Ол шет тілі мамандығының студенттерімен сабақ жүргізеді. Оқытушы Сьюзан 2019-2020 оқу жылына келді, қазір бірінші семестрде 3 және 4-курс студенттеріне дәріс оқуда. Оқытатын пәндері - C1-C2 арнайы мақсаттағы тіл және B2 шет тіліндегі семинар. Аптасына екі рет жаттығумен қатар, Сьюзан Speaking Club клубында кездесулер өткізеді.

- Бұл АҚШ-тың мемлекеттік департаменті қаржыландыратын, ағылшын тілін үйренуді және кеңінен насихаттауды көздеген тамаша бағдарлама болып табылады. Үміткерлерге қоятын талаптар өте жоғары, басқа ұлт өкілдеріне ағылшын тілін үйретуші маман TESOL-да магистрі немесе докторлық дәрежесі болуы керек. Аталған бағдарлама 205 елде жұмыс істейді және барлық университеттердің өтінімдері қанағаттандырыла бермейді. Біздің кафедраға бүкіл оқу жылына (10 ай) ағылшын тілін үйретуші келгені біз үшін үлкен бақыт, - дейді шет тілдері кафедрасының меңгерушісі, қолданбалы лингвистика саласындағы гуманитарлық ғылымдар магистрі (Ұлыбритания) Ә.С. Жолдабаева.