ППУ профессоры Зағыпаров Қабиден Фатқоллаұлының 85 жылдық мерейтойын атап өтуде

07.12.2020

Философия ғылымдарының кандидаты, ППУ профессоры Зағыпаров Қабиден Фатқоллаұлының 85 жылдық мерейтойын атап өтуде

Зағыпаров Қабиден Фатқоллаұлы – облыстың білім беру жүйесінің дамуына зор үлес қосты. Философия, саясаттану, әлеуметтану, жоғары оқу орындарының педагогикасы мәселелеріне, жастарға білім беру мен тәрбие туралы 80-ге жуық ғылыми еңбектері жарық көрді.
Қабиден Фатқоллаұлы көп жылдар бойы университет қабырғасында әр салалық қызметтерде істеген. Оның көпқырлы қызметі лайықты бағасын алды. Ол Ақтоғай ауданының, Павлодар қаласының Құрметті азаматы, тыл еңбеккері мәртебесіне ие.

Марапаттары:

• КСРО Халықтары Достығы ордені;
• Қазақ КСР Жоғарғы Кеңесінің Құрмет грамотасы;
• «Қазақстан Республикасының Конституциясына 10 жыл» мерейтойлық медалі;
• А.Байтұрсынов, Ы.Алтынсарин атындағы, Халықаралық «Ана тілі» қоғамының медальдары;
• Қазақстан Республикасының білім беру ісінің құрметті қызметкері» төсбелгісінің иегері.

Сізді 85 жас мерейтойыңызбен құттықтай келе, зор денсаулық пен амандық тілейміз! Мақтаныш көретін Ағамыз болып, ғасырлық жасқа жетуіңізге шын жүректен тілектеспіз!