ОҚЫТУШЫЛАРҒА АРНАЛҒАН КОНКУРС

Ә. Марғұлан атындағы  «Павлодар педагогикалық университеті» КеАҚ Финляндиядағы білім беру ұйымдарында «Финляндияның оқу моделі: мұғалімді даярлаудан білім сапасына» қызметтік іс-сапарына оқытушыларды қабылдайтынын хабарлайды.

Стажировканың мақсаты – Финляндиядағы білім берудің көпсатылы деңгейімен танысу, сондай-ақ ЖБжҒМ және Дүниежүзілік банк «Педагогикалық білім беруді модернизациялау» жобасы аясында әзірленген 30 білім беру бағдарламасының мазмұнымен практикалық жұмыс жүргізу. Іс-сапар барысында Финляндиядағы балабақшалар, мектептер, колледждер мен жоғары оқу орындарын аралап, педагогтардың шеберлік сыныптарына қатысу жоспарланған.

Конкурсқа Margulan University-дің жұмыс өтілі 3 жылдан кем емес оқытушылары қатыса алады.

Өтінімдерді қабылдаудың соңғы күні: 2025 жылғы 8 сәуір.

Конкурсқа қатысу үшін өтінімді толтыру жөніндегі нұсқаулық және іс-сапар туралы толық ақпарат университеттің жоғары мектептеріне жіберілетін болады.