2023-2024 оқу жылына арналған Әлкей Марғұлан атындағы Павлодар педагогикалық университетінің білім беру грантын тағайындау үшін конкурс жарияланады.

Үміткерлер мынадай талаптарға сәйкес келуі қажет:

- тек күндізгі оқу нысанында оқыту;

- басқа қаржыландыру көзінен білім беру гранттарының болмауы (республикалық бюджет; жергілікті атқарушы органдардың бюджеті; тапсырыс беруші – кәсіпорындар немесе басқа заңды тұлғалардың қаражаты);

- «өте жақсы» және «жақсы» деп бағаланған жеке тұлғалар.

Әлкей Марғұлан атындағы ППУ-дың гранты спорт, ғылым және мәдениет саласындағы республикалық, халықаралық деңгейдегі жарыстарда, фестивальдерде немесе байқауларда жоғары жетістіктерге жеткен, сондай-ақ университеттің қоғамдық өміріне белсенді қатысқан студенттерге беріледі.

Конкурсқа қатысуға ниет білдірген студенттер 2023 жылғы 12 қыркүйекке дейін студенттерге қызмет көрсету орталығына мынадай құжаттарды тапсырады:

- Әлкей Марғұлан атындағы ППУ басқарма төрағасы-ректорының атына өтініш;

- транскрипт;

- жеке куәліктің көшірмесі;

- үміткердің жетістіктерін, табыстарын растайтын құжаттардың көшірмелері (кандидаттың немесе спорт шеберінің куәлігі, дипломдар, грамоталар, куәліктер және т.б. бар болса; көшірмелерімен бірге салыстыруға және ақпараттың дұрыстығын анықтау үшін түпнұсқалар ұсынылады).