МАРҒҰЛАН УНИВЕРСИТЕТІНДЕ ҒЫЛЫМИ КЕҢЕСТІҢ ОТЫРЫСЫ ӨТТІ

29.01.2025

Бүгін Марғұлан университетінде Ғылыми кеңестің кезекті отырысы болды. Жиынға университеттің басқарма төрағасы-ректор Ержан Әмірбекұлы қатысып, әр салаға жауапты мамандардың баяндамасын тыңдап, тапсырмалар берді. Жиын барысында ғылым жөніндегі проректоры Бауыржан Есенгелдин «2024 жылдағы ғылыми-зерттеу жұмыстарының  қорытындысы» тақырыбы бойынша баяндама жасап, өткен жылы ғылым саласында жүзеге асырылған жобалар және жетістіктер туралы айтты.

Сонымен қатар, ғылыми орталықтар мен ғылыми зерттеу институтының басшылары баяндама жасап, өз зерттеулері, ашқан жаңалықтары және басқа да бағыттағы жұмыстар туралы ақпарат берді. Атап айтқанда, «Биоценология және экологиялық ғылыми орталығы», «Археологиялық  зерттеулер институты», «Практикалық психология орталығы», «Педагогикалық зерттеулер орталығы» жыл бойы қандай жұмыспен айналысты деген сұраққа толыққанды жауап берді.

Ғылыми кеңес отырысының күн тәртібі бойынша, «Қазақстан халықтарының ассамблеясы» кафедрасының есебі тыңдалып, жұмысын жандандыру бағытында түрлі ұсыныстар айтылды.
Одан бөлек, биыл мамандандырылған аккредиттеуден өтетін білім беру бағдарламаларының дайындығы тыңдалды.
Жиын соңында университет басшысы Ержан Әмірбекұлы «Ақылдастар алқасының» төрағасы, профессор Бахтияр Наймановты мерейлі туған күнімен құттықтап, ұжым атынан арнайы құттықтау хатын табыстады.