«Менің тәуелсіз Қазақстаным» бейнелеу және сәндік-қолданбалы өнер онлайн-байқауы жарияланады

Құрметті Павлодар өңірінің ЖОББМ 11 сынып оқушылары, колледж оқушылары және ППУ студенттері!

Алғаш рет Павлодар педагогикалық университетінде бейнематериал арқылы бейнелеу және сәндік-қолданбалы өнер онлайн-байқауы өтеді.

Өз өнерлеріңізді көрсетіңіздер!

Онлайн-байқауға қатысыңыздар!

Қатысушыларды бағалы жүлделер, грамоталар, серификаттар күтуде!

Өтінімдер және фото- мен бейнематериал түріндегі жұмыстар 2020 жылдың 14 желтоқсаннан 16 желтоқсанға дейін қабылданады.

«Бейнелеу өнері» номинациясы бойынша электронды поштасы konkursizo.ppu@gmail.com

«Сәндік-қолданбалы өнер» номинациясы бойынша электронды поштасы konkursdpi@gmail.com

Жеңімпаздарға грамоталар, қатысушыларға сертификаттар 2020 жылдың 20 желтоқсан күні жіберіледі.

Міндетті түрде «Менің тәуелсіз Қазақстаным» атты бейнелеу және сәндік-қолданбалы өнер онлайн-байқауы ережесімен танысыңыздар.

 

ПАВЛОДАР ӨҢІРІНІҢ ЖОББМ 11 СЫНЫП ОҚУШЫЛАРЫ, КОЛЛЕДЖ ОҚУШЫЛАРЫ ЖӘНЕ ППУ СТУДЕНТТЕРІ АРАСЫНДА

БЕЙНЕМАТЕРИАЛДАР БОЙЫНША ӨТЕТІН БЕЙНЕЛЕУ ЖӘНЕ СӘНДІК-ҚОЛДАНБАЛЫ ӨНЕР ОНЛАЙН – БАЙҚАУЫНЫҢ ЕРЕЖЕСІ

 

«МЕНІҢ ТӘУЕЛСІЗ ҚАЗАҚСТАНЫМ»

 

Байқау Қазақстан Республикасының тәуелсіздік күніне арнайы өткізіледі.

 

Байқаудың мақсаты мен міндеті:

• Қазақстан Республикасының тарихы мен мәдениетіне қызығушылықты арттыру;
•  ЖОБ 11 сынып оқушылары мен колледж, ППУ студенттерінің бейнелеу және сәндік-қолданбалы шығармашылығына қолдау көрсету;
• қатысушылардың бейнелеу және сәндік-қолданбалы өнерде дағдысын жетілдіру.

Ұйымдастырушы:Павлодар педагогикалық университетінің өнер және спорт жоғары  мектебі, «Көркем еңбек, графика және жобалау» білім беру бағдарламасы.

Қазылар алқасы: Павлодар педагогикалық университетінің өнер және спорт жоғары мектебі, «Көркем еңбек, графика және жобалау» БББ бейнелеу және сәндік-қолданбалы өнер оқытушылары.

Байқау қатысушылары: Барлық ЖОБ 11 сынып оқушылары мен ППУ, колледж студенттері

Өткізу уақыты:

1) өтініш (қосымша 1) пен фото және бейнематериалдар түріндегі жұмысты 2020 жылдың 14 желтоқсаннан 16 желтоқсанға дейін қабылайды.

2) Қазылар алқасы жұмысы, байқауды қорытындылау, марапаттау материалын дайындау – 2020 жылдың 17 желтоқсанынан 19 желтоқсанға дейін;

3) марапаттау (сырттай) – 2020 жыл 20 желтоқсан.

Байқау номинация бойынша өткізіледі:

• «Бейнелеу өнері»
• «Сәндік-қолданбалы өнер»

Байқау бір турдан тұрады.

Бір қатысушы тек бір номинацияға және тек бір туындымен қатыса алады. Шығармашылық жұмыстар 2020 жылда орындалуы тиіс.

Байқауға қатысушылар ұсынуы тиіс:

1)шығармашылық жұмыстың сапасы жақсы 3 фотосуреті;

2)қатысушы шығармашылық жұмыстың қасында тұрып өз туындысының идеялық мәні мен тұжырымдамасын айтып тұған 2 минуттан көп емес бейнеролик.

«Бейнелеу өнері» номинациясына қатысу үшін өтінішті, 3 фотосурет пен бейнематериалды «Менің тәуелсіз Қазақстаным» конкурсына. «Бейнелеу өнері» номинациясы деп атап konkursizo.ppu@gmail.comэлектрондыпоштасына жіберу қажет.

«Сәндік-қолданбалы өнер» номинациясына қатысу үшін өтінішті, фото- және бейнематериалды «Менің тәуелсіз Қазақстаным» конкурсына. «Сәндік-қолданбалы өнер» номинациясы деп атап konkursdpi@gmail.com.электрондыпоштасына жіберу қажет.

Ең үздік қатысушылардың фотосуреттері мен бейнежазбалары @ nao_ppu_vsh_iskusstvaisporta инстаграммында көрсетіледі.

 

«Бейнелеу өнері» номинациясы

Материалдар: кенеп, қағаз, карандаш, акварель, гуашь, акрил, майлы бояу, темпера.

Орындау стилі мен техникасы: еркін

Формат: А3 және одан улкен.

 

 «Сәндік-қолданбалы өнер» номинациясы

Материалдар: киіз, ағаш, жүн, жібек, тоқыма материалдары, металл.

Орындау стилі мен техникасы: батик, кесте тігу, киіз басу, гобелен, тоқымашылық, шым ши, көркем тоқымашылық, пэчворк.

Формат: А4 және одан улкен.

Жұмысқа қойылатын талаптар:

• Жұмыс плагиат болмауы тиіс (басқа туындыларды көшіруге болмайды және олармен еш ұқсастық болмауы тиіс)
• Шығармашылық жұмыстың фотосуреті жақсы сапада болуы тиіс.

 

Жүлделер мен марапаттар:

«Менің тәуелсіз Қазақстаным» онлайн-байқау қорытындысы бойынша жүлделі орын алған қатысушылар І, ІІ, ІІІ орын грамотасымен марапатталады, барлық қатысушыларға электронды сертификаттар жіберіледі.

«Гран-при» және «Бейнелеу өнері», «Сәндік-қолданбалы өнер» номинациясынан І орын алған қатысушылар бағалы жүлделермен марапатталады:

•  «Гран-при»: Power bank (Повер банк) - сыртқы аккумулятор;
• «Бейнелеу өнері» номинациясы бойынша 1 орын үшін - USB-флеш-жинақтаушы;
• «Сәндік-қолданбалы өнер» номинациясы бойынша 1 орын үшін - USB-флеш-жинақтаушы;

 

Байқауға қатысу үшін төлемақы алынбайды.

 

Қосымша1

ӨТІНІШ

 

Павлодар өңірінің ЖОББМ 11 сынып оқушылары, колледж оқушылары және ППУ студенттері арасында

бейнематериалдар бойынша өтетін бейнелеу және сәндік-қолданбалы өнер онлайн – байқауға қатысу

 

«МЕНІҢ ТӘУЕЛСІЗ ҚАЗАҚСТАНЫМ»

 

Аты-жөні, тегі (толықтай)
Жасы
Білім беру мекемесінің атауы
Автордың байланыс телефоны
Автордың электронды поштасы
Номинация
Жұмыстың атауы
Орындау техникасы
Материал
Жұмыс өлшемі (формат)