МАРҒҰЛАН УНИВЕРСИТЕТІНІҢ ПРОФЕССОРЫ ҚАЗАҚСТАН ГИДТЕРІ МЕН ЭКСКУРСОВОДТАРЫНЫҢ І РЕСПУБЛИКАЛЫҚ ФОРУМЫНА ҚАТЫСТЫ

23.02.2024

Л.Н. Гумилев атындағы Еуразия ұлттық университетінде Дүниежүзілік экскурсоводтар күніне орай Қазақстан гидтері мен экскурсоводтарының І республикалық форумы өтті. Онда туристік әлеует пен экскурсиялық қызметті дамыту, туризм саласының мамандарын даярлау тақырыптары кеңінен талқыланды. Салтанатты іс – шараның модераторы Қазақстан Республикасы гидтер, экскурсоводтар Одағының президенті С.А.Абжанова болды. Іс-шара ҚР Туризм және спорт Вице - министрі Е. М. Еркінбаевтың құттықтау сөздерімен ашылды.

Шараға Әлкей Марғұлан атындағы Павлодар педагогикалық университеті жаратылыстану ғылымдары жоғары мектебінің профессоры, мәдениеттану кандидаты Валентина Нұрмағамбетова Әлиясова қатысып, өз зерттеулері бойынша баяндама жасады.

Форумға ҚР Туризм және спорт министрлігінің, «Kazakh Tourism» ҰК АҚ, «Атамекен» ҰКП өкілдері, ғалымдар, аудармашы-гидтер, еңбек сіңірген экскурсоводтар, экскурсия саласының ардагерлері, кәсіби қауымдастық басшылары, ішкі және кіру туризмі бойынша менеджерлер, қазақстандық жоғары оқу орындарының студенттері қатысты.