Директорлар кеңесі

ЕРЖАН ӘМІРБЕКҰЛЫ

(25.02.1976 г., Республика Казахстан)

Ғылыми атағы: профессор

Ғылыми дәрежесі: экономика ғылымдарының докторы

Лауазымы: Басқарма төрағасы-ректор

Білімі:

Жоғары (1998 ж.), М. Х. Дулати атындағы Тараз мемлекеттік университеті, мамандығы – "Кәсіпорындағы экономика және менеджмент" (үздік диплом). Аспирантура (2000-2004 жж.), Қазақ мемлекеттік басқару академиясы. 2006-2009 жылдары докторантурада оқып, 2010 жылы докторлық диссертация қорғады. 2016 жылы Испаниядағы Еуропа университетінде іскери әкімшілік магистрі (MBA) академиялық дәрежесін алды.

Еңбек өтілі:

1998 жылы М.Х.Дулати атындағы Тараз мемлекеттік университетін үздік бітіріп, еңбек жолын сол университетте оқытушы болып бастады.

2004 жылы кандидаттық диссертациясын қорғағаннан кейін Т. Рысқұлов атындағы Қазақ экономикалық университетіне оқытушы болып жұмысқа қабылданды. Осы жылдан бастап оқытушы, аға оқытушы, доцент, профессор, "Экономика" кафедрасының меңгерушісі қызметтерін атқарды.

2018 жылы ҚР Ғылым және білім министрлігі Білім және ғылым саласындағы бақылау комитетінің бұйрығымен профессор атағы берілді.

 2014-2015 жылдары ҚР Білім және ғылым министрлігінің Ұлттық тестілеу орталығының басқармасын басқарды.

2015-2018 жылдары Халықаралық бизнес-мектебінің директоры, Қазақ экономика, қаржы және халықаралық сауда университетінінің Академиялық қызмет және ғылым жөніндегі проректоры болды.

2018-2020 жылдары Тараз мемлекеттік педагогикалық университетінде ректор болып жұмыс істеді.

2020-2021 жылдары Тараз өңірлік университетінің I-проректоры, ректоры қызметтерін атқарды. 2021 жылдан бастап 2022 жылғы 19 қазанға дейін Қазақстан Республикасы Ғылым және жоғары білім министрлігі Жоғары және жоғары оқу орнынан кейінгі білім комитеті департаменті директорының орынбасары / төрағасының орынбасары болды.

2022-2024 жылдары аралығында Ы. Алтынсарин атындағы Арқалық педагогикалық институтның ректоры қызметін атқарды.

Ғылыми еңбектері:

Ғылыми-педагогикалық қызмет барысында ол әдістемелік және ғылыми сипаттағы 100-ден астам жұмысты, оның ішінде Scopus, Thomson Reuters, Web of Science базасына кіретін нөлдік емес импакт-факторы бар халықаралық журналдарда 10 жарияланым жариялады. 5 оқу құралы, 2 монография жарық көрді.

Біліктілікті арттыру: Кәсіби құзыреттілікті арттырумен белсенді айналысады, жоғары білім беру жүйесінде халықаралық тәжірибесі бар, Оңтүстік Кореяда (Woosong University), Малайзияда (Malaysia Institute for supply chain innovation), Испанияда (European University) жоғары білім беру жүйесін басқару және жетілдіру мәселелері бойынша тағылымдамадан өтті.

Марапаттар: 2011 жылы ғылыми-педагогикалық қызметтің қорытындысы бойынша және ҚР Білім және ғылым министрлігі алқасының шешімімен "Жоғары оқу орнының үздік оқытушысы"атағын алды. Қазақстан Республикасының Білім беру жүйесін дамытуға қосқан жеке үлесі үшін Қазақстан Республикасы Білім және ғылым Министрінің Алғыс хатымен, "Қазақстан Республикасының ғылымын дамытуға сіңірген еңбегі үшін" төсбелгісімен марапатталған.