Колледж

Павлодар педагогикалық университетінің колледжі 2006 жылы ашылды. 2019 жылғы 23 желтоқсандағы Ғылыми кеңестің шешімі (№2 хаттама) негізінде колледж «Павлодар педагогикалық университеті» КЕАҚ Мұсахан Қанапиянов атындағы Жоғары колледжі болып өзгертілді.

Павлодар облысының білім беру саласындағы бақылау департаментінің бұйрығы негізінде берілген білім беру қызметіне арналған лицензияға қосымша:

• 01120100 Мектепке дейінгі тәрбие және оқыту, біліктілік 4S01120102 Мектепке дейінгі тәрбие және оқыту ұйымдарының тәрбиешісі; (2 жыл 10 ай)
• 01140100 Бастауыш білім беру педагогикасы мен әдістемесі, біліктілік 4S01140101 Бастауыш білім беру мұғалімі; (2 жыл 10 ай)
• 01140500 Дене тәрбиесі және спорт, біліктілік 4S01140501 Дене тәрбиесі мұғалімі ; (2 жыл 10 ай)
• 01140600 Негізгі орта білім берудегі тіл мен әдебиетті оқытудың педагогикасы мен әдістемесі, біліктілік 4S01140601 Қазақ тілі мен әдебиеті мұғалімі; (2 жыл 10 ай)
• 01140600 Негізгі орта білім берудегі тіл мен әдебиетті оқытудың педагогикасы мен әдістемесі, біліктілік 4S01140602 Орыс тілі мен әдебиеті мұғалімі; (2 жыл 10 ай)
• 01140600 Негізгі орта білім берудегі тіл мен әдебиетті оқытудың педагогикасы мен әдістемесі, біліктілік  4S01140605 Шетел тілі мұғалімі біліктіліктері; (2 жыл 10 ай)

Колледж базалық және кәсіби құзыреттіліктерді меңгерген педагогикалық сала үшін орта буын мамандарын даярлауды жүзеге асырады.

Педагогтардың саны – 55 адам, оның ішінде 6-еуі қосымша қызмет атқарушы педагог.

24 адам магистрлік дәрежеге ие. Сонымен қатар, 2 адам магистратурада оқуын жалғастыруда,  іскерлік әкімшілік докторы - 1 адам.

Біліктілік санаты бар оқытушылар:
педагог-зерттеуші - 6 адам, педагог-сарапшы - 7 адам, педагог-модератор - 14 адам, жоғары біліктілік санаты - 2 адам, екінші біліктілік санаты - 1 адам.

Мұғалімдер үнемі біліктілікті арттыру курстарына, семинарларға қатысады.

Педагогикалық қызметкерлер оқу үрдісіндегі өзгерістерге сәйкес ғылыми-әдістемелік бағытта өз жұмыстарын жетілдіреді. Оқыту мен тәрбиелеудің заманауи технологияларын меңгеріп, өз ғылыми ұсыныстарын енгізіп, мақалалар жариялайды.

Колледждегі материалдық-техникалық база: оқу корпусы – 1, сабақ өткізуге арналған аудиториялар саны – 18, оның ішінде компьютерлік сыныптың саны – 2.

Қазіргі таңда колледждің жұмыс істеуі және оның білім беру қызметін жүзеге асыру процесінде заманауи материалдық-техникалық және ақпараттық ресурстармен қамтамасыз етудің маңызы зор.

Компьютерлік сынып – оқу жоспарына сәйкес оқу пәндері бойынша сабақ өткізу үшін және білім алушылардың өзіндік жұмысын орындауы үшін пайдаланылады.

Білім беру процесін іске асырудың маңызды шарты – оны оқу-әдістемелікпен қамтамасыз ету.

Колледждің оқытушылар құрамы оқу процесінің қажеттілігін толық қанағаттандыратын оқу және оқу-әдістемелік құралдарын, ОӘК, әдістемелік нұсқауларды әзірлейді.

Оқу сабақтарын ұйымдастыру және өткізу үшін колледж ЖОО-ның материалдық-техникалық базасын пайдаланады.