Erasmus+ академиялық оралымдылық бағдарламасы бойынша конкурсқа қатысу туралы хабарландыру

Құрметті білім алушылар мен оқытушылар!

Әлкей Марғұлан атындағы Павлодар педагогикалық университеті Германияның Дрезден техникалық университетімен бірлесе отырып, Erasmus+ академиялық оралымдылық бағдарламасына қатысу үшін конкурс жариялайды.

Жобаның қолданылу мерзімі: 2025 жылдың күзі – 2028 жылдың жазы.

Әр семестрде академиялық оралымдылық бойынша 1 білім алушы пен 1 оқытушыны жіберу көзделген.

Білім алушылар үшін:

Конкурсқа мынадай білім беру бағдарламалары бойынша бакалавриаттың 2, 3-курс студенттері мен магистратураның 1-курс магистранттары қатыса алады:

• 6В01720 «Орыс тілі мен әдебиет»
• 6В01721 «Орыс және орыс емес тілдерде оқытатын мектептердегі орыс тілі мен әдебиеті (IP)»
• 6В01750 «Орыс тілінде оқытпайтын мектептердегі орыс тілі мен әдебиеті»
• 7М01721 «Орыс тілі мен әдебиеті»

Қазіргі уақытта бакалавриат студенттері үшін 2025-2026 оқу жылының көктемгі семестріне, сондай-ақ магистратура білім алушылары үшін 2026-2027 оқу жылының күзгі семестріне іріктеу жүргізілуде.

Білім алушыларды іріктеу критерийлері:

- Оқу кезеңі бойынша транскрипттің орташа балы – кемінде 3,0 GPA болуы тиіс.

- Ағылшын тілін меңгеру деңгейі – В1 деңгейінен төмен болмауы керек. Конкурсқа қатысу үшін IELTS, TOEFL, Cambridge, Duolingo сияқты растаушы сертификаттар қабылданады. Егер аталған сертификаттар болмаса, білім алушы Ә. Марғұлан атындағы ППУ-дың ішкі тестілеуіне қатысуға өтінім беруі қажет.

- Ғылыми белсенділік (конференцияларға қатысу, жарияланымдар).

- Уәждеме (қазақ, орыс және ағылшын тілдерінде жазылған уәждемелік хат, оған куратордың, білім беру бағдарламасы жетекшісінің және жоғары мектеп деканының қолы қойылуы тиіс).

- Куратордың, білім беру бағдарламасы жетекшісінің және жоғары мектеп деканының қолы қойылған үш тілдегі (қазақ, орыс, ағылшын) ұсыным хат.

- Әлеуметтік белсенділік (дипломдар, алғысхаттар, грамоталар мен сертификаттардың көшірмесі).

Сондай-ақ паспорт пен жеке куәліктің түрлі-түсті көшірмесін және шетелде академиялық оралымдылық шеңберінде оқуға конкурсқа қатысу үшін үміткердің сауалнамасын толтырылған және басып шығарылған күйінде қоса тапсыру қажет.

Мерзімдері мен қаржыландыру:

Оқу ұзақтығы – 4 ай (1 семестр).

Қаржыландыру:

• Travel Allowance – 1 188 еуро – жол шығындарын өтеуге арналған бір реттік төлем. Бұл сома студентке қабылдаушы университетке дейінгі ұшу және жол жүру шығындарын жабу үшін төленеді.
• Individual Support – 900 EUR / month, resp. 1.150 EUR incl. 250 EUR Top Up – ай сайынғы шәкіртақы (тұруға арналған жәрдемақы). 900 еуро айына – студенттің тұруына, тамақтануына және жеке шығындарына арналған негізгі сома. 1 150 еуро айына (900 + 250 EUR Top Up) – егер қатысушы белгілі бір санаттарға жататын болса (мысалы, әлеуметтік осал топтар, мүмкіндігі шектеулі немесе ерекше қажеттіліктері бар студенттер), онда төлемнің ұлғайтылған мөлшері тағайындалады.

Оқытушылар үшін:

Конкурсқа мынадай білім беру бағдарламаларының оқытушылары қатыса алады:

• 6В01720 «Орыс тілі мен әдебиет»
• 6В01721 «Орыс және орыс емес тілдерде оқытатын мектептердегі орыс тілі мен әдебиеті (IP)»
• 6В01750 «Орыс тілінде оқытпайтын мектептердегі орыс тілі мен әдебиеті»
• 7М01721 «Орыс тілі мен әдебиеті»
• 8D01720 «Орыс тілі және әдебиеті» 

Дрезден техникалық университетіне арналған оқытушылардың академиялық оралымдылық конкурсына қатысу үшін мынадай құжаттарды тапсыру қажет:

• Қазақ, орыс және ағылшын тілдерінде жазылған қысқаша өмірбаян.
• Қазақ, орыс және ағылшын тілдерінде жазылған уәждемелік хат (білім беру бағдарламасының жетекшісі мен жоғары мектеп деканының қолы қойылуы тиіс).
• CV (Europass форматындағы түйіндеме).
• Ағылшын тілін меңгеру деңгейін растау – ең төменгі деңгей В1 (IELTS, TOEFL, Cambridge, Duolingo). Егер аталған сертификаттар болмаса, оқытушы Ә. Марғұлан атындағы атындағы ППУ-дың ішкі тестілеуіне қатысуға өтінім беруі қажет.
• Паспорт пен жеке куәліктің түрлі-түсті көшірмесі.
• Қабылдаушы университетте болу кезеңіне арналған академиялық оралымдылық бағдарламасы (жоспары) – қазақ/орыс және ағылшын тілдерінде.
• Жарияланымдар мен ғылыми еңбектер тізімі.
• Алдыңғы халықаралық ынтымақтастық тәжірибесін растайтын сертификаттардың көшірмесі (бар болған жағдайда).
• Біліктілікті растайтын дипломдар мен сертификаттардың көшірмесі.

Мерзімдері мен қаржыландыру:

Қабылдаушы университетте болу мерзімі – 7 күн (оның ішінде 2 күн жолға арналған).

• Travel Allowance – 1 188 еуро – жол шығындарын өтеуге арналған бір реттік төлем. Бұл сома оқытушыға қабылдаушы университетке дейінгі ұшу және жол жүру шығындарын жабу үшін төленеді.
• Жеке қолдау – қабылдаушы университетте болған әр күн үшін 190 еуро.

Конкурс кезеңдері:

1. Құжаттарды қабылдау және оларды талаптарға сәйкестігі бойынша тексеру (Халықаралық ынтымақтастық офисі, Олжабай батыр көшесі, 60-құрылыс (университеттің бас ғимараты), 116-кабинет.
2. Психодиагностика (тестілеу).
3. Университет комиссиясымен әңгімелесу (Комиссия төрағасы – «Әлкей Марғұлан атындағы Павлодар педагогикалық университеті» КеАҚ Басқарма Төрағасы – Ректор).

Erasmus+ бағдарламасы аясында академиялық оралымдылық бойынша жіберілетін үміткерлерді іріктеуді үміткерлерді іріктеу жөніндегі комиссия жүзеге асырады.

Барлық құжатты мөлдір мұқабасы бар файлдық папкаға жинап, 2025 жылғы 24 қарашаға дейін Халықаралық ынтымақтастық офисіне (Олжабай батыр көшесі, 60-құрылыс – университеттің бас ғимарат, 116-кабинет) тапсыру қажет. Толығырақ ақпаратты мынадай байланыс нөмірлері арқылы алуға болады: 8 (7182) 65-16-09 (ішкі нөмірлер – 404, 374, 310), mussina_kamila@ppu.edu.kz

• Академиялық ұтқырлық шеңберінде шетелде оқуға арналған конкурсқа қатысатын білім алушылар қатарынан үміткердің сауалнамасы