Дуалды оқыту

2022-2023 оқу жылынан бастап 6В01710 – «Қазақ тілі мен әдебиеті» БББ бойынша оқу процесіне дуалды оқыту жүйесі енгізілді. Осы жүйе негізінде ТжКБ және ЖКБ базасы негізінде қазақ, орыс тілінде оқитын топтар ашылған. 

Дуалды оқыту - білім беру ұйымында оқытуды кәсіпорындағы (ұйымдағы) өндірістік оқыту мен кәсіптік практиканың міндетті кезеңдерімен кәсіпорынның (ұйымның), оқу орнының және білім алушының бірдей жауапкершілігі бар студенттерді жұмыс орындарымен және өтемақылармен қамтамасыз етумен біріктіретін кадрлар даярлау нысаны.

 Осыған сәйкес университетте дуалды оқыту элементтерін енгізу университеттегі оқытуды өндірістік оқытумен және университеттің, білім беру ұйымының және білім алушының бірдей жауапкершілігі кезінде қажетті ресурстарға ие білім беру ұйымдарындағы кәсіптік практикамен үйлестіретін педагог кадрларды даярлау нысанын іске асыруға бағытталған.

Университетте дуалды оқыту элементтерін енгізу педагог кадрларды даярлау деңгейін жұмыс берушілердің қажеттіліктеріне жақындатуды, кәсіптік даярлау сапасын арттыруды, оқытудың практикамен, білім беру жүйесімен байланысын нығайтуды, әлеуметтік әріптестікті дамытуды қамтамасыз етуге арналған.

Дуалды оқыту элементтерін енгізу екі форматта жүзеге асырылады:

- жалпы орта білім беру базасында – теориялық оқыту университет базасында, өндірістік оқыту – білім беру ұйымы базасында-сабақ кестесінде белгіленген күндер бойынша іске асырылады;

- ТжКБ және ЖКБ базасында - теориялық және өндірістік оқыту университет және білім беру ұйымы базасында жүзеге асырылады.

Дуалды оқытуды ұйымдастыру және өткізу үшін Университет жоғары мектеп декандарымен, ББ басшыларымен бірлесіп:

- білім беру ұйымдарымен дуалды оқыту туралы шарт жасайды және қол қойылады;

- білім алушылармен ТжКБ және ЖКБ базасында, білім беру ұйымдарымен білім беру қызметтерін көрсетуге үшжақты шарт жасасады;

- білім алушыларды дуальды оқыту нысанына қабылдауға / ауыстыруға бұйрық шығарады;

- академиялық күнтізбені әзірлейді және бекітеді.

Дуалды оқыту элементтері бар оқу процесін ұйымдастыру теориялық, өндірістік оқытуды және кәсіби тәжірибені қамтиды. Пәндерді оқу кезінде оқу материалының 40% - ы өндірістік оқыту кезеңінде игеріледі және пәннің оқу материалының 60% - ы ЖОО-да оқытылады.

Дуалды оқыту туралы шарт негізінде білім беру ұйымы өндірістік оқыту мен кәсіптік практикаға басшылықты жүзеге асыру үшін білім алушыға тәлімгерді бекітеді. Тәлімгерге максимальды 5 білім алушы бекітілуі мүмкін.

Тәлімгерлерге еңбекақы төлеуді университет бекітілген нормалар бойынша жүргізеді.

• ЕРЕЖЕ дуальды оқытуды ұйымд