Базалық мектеппен кездесу

2021 жылдың 26 қарашасында базалық мектептермен ынтымақтастық аясында «Шет тілі: екі шет тілі» білім беру бағдарламасында №24 орта мектептің 10-11 сынып оқушыларымен және ағылшын тілі мұғалімдерімен кездесуі өтті.

Білім беру бағдарламасының басшысы Әлия Садуқызы Жолдабаева қонақтарды қарсы алып, мектеп оқушыларына университетіміз, білім беру бағдарламасы және университет қабырғасында білім алудың артықшылықтары туралы айтып берді. Қонақтар қабылдау туралы сұрақтарын қоя алды.

Одан кейін білім беру бағдарламасының аға оқытушысы Төлегенов Темірлан Масхатұлы шақырылған студенттермен 3 тілде қазақ, орыс және ағылшын тілдерінде IQ Games интеллектуалды ойынын өткізді. Студенттер әрқайсысы 5 адамнан тұратын 4 командаға бөлінді, жеңімпаз команда ОП атынан естелік сыйлыққа ие болды: ағылшын тіліндегі кітаптар.

Білім беру бағдарламасының қонақтары кездесуден алған әсерлерімен бөлісіп, шақыру үшін алғыстарын білдірді. Олар университетімізге келіп, өздеріне қажетті ақпаратты алғандарына қуанышты екендіктерін айтып, ППУ-ға түсуді ойластырды.