БАСКЕТБОЛДАН М.ҚАНАПИЯНОВ КОЛЛЕДЖІНІҢ КОМАНДАСЫ ЖЕҢІМПАЗ АТАНДЫ

22.02.2024

Әлкей Марғұлан атындағы Павлодар педагогикалық университетінің қызметкерлері мен оқытушылары арасында өтіп жатқан дәстүрлі спорттық спартакиадасы аяқталуға жақын. Жарысқа барлығы жеті команда қатысып, бақ сынап жатыр. Бүгінгі күнге дейін шахмат, тоғызқұмалақ, үстел теннисі, болейвол ойындары аяқталып, жеңімпаздары анықталды.

Сонымен қатар, баскетбол ойыны да өз мәресіне жетіп, мықтылары анықталды. Баскетбол бойынша ерлер арасында М.Қанапиянов атындағы жоғары колледж командасы жеңімпаз болды. Екінші орынға гуманитарлық ғылымдар жоғары мектебі ие болса, үшінші орынды педагогика жоғары мектебі еншіледі. Әйелдер арасындағы баскетболдан тағы да М.Қанапиянов атындағы жоғары колледж командасы үздік шықты. Өнер және спорт жоғары мектебінің арулары екінші орынды алса, жаратылыстану жоғары мектебі үшінші орынды еншіледі.