2021-2022 оқу жылының күзгі семестрі бойынша студенттерге арналған академиялық ұтқырлық бағдарламасы

Құрметті студенттер!

Қазақстан Республикасы Білім және ғылым министрлігі 2021-2022 оқу жылының күзгі семестрінде бакалавриат білім алушылары үшін академиялық ұтқырлық бағдарламасы бойынша шетелде (Еуропа елдері) оқуға байқау жариялайды.

Сайысқа қатысу үшін келесі құжаттар тізімі керек:

1) білім алушының нысан бойынша өтініші;

2) ҚР азаматы төлқұжатының көшірмесі;

3) ЖОО-ның мөрімен расталған ағымдағы үлгерімі туралы транскрипт*;

4) шет тілін меңгеру деңгейін растайтын құжат (үміткер төмендегі құжаттардың бірін ұсынады):

- шет тілін білуді бағалаудың халықаралық жүйелері (IELTS, TOEFL) сертификаты;

- шетелдік жоғары оқу орнының шетел тілінің деңгейі бар студентті қабылдауға келісім хаты;

- қазақстандық ЖОО-ның тестілеу нәтижесі (В2 деңгейінен төмен емес);

5) № 072/у нысаны бойынша Медициналық анықтама (шетелге шығатындар үшін);

6) Қазақстан Республикасынан кету сәтінде он сегіз жасқа толмаған жағдайда үміткердің ата-анасының, қамқоршыларының, заңды өкілдерінің шетелге шығуға жазбаша келісімі;

7) студенттің көп балалы отбасын растау үшін отбасы құрамы туралы құжат;

8) студенттің ата-анасының жоқтығын растайтын құжат (жетімдерге немесе ата-анасының қамқорлығынсыз қалған студенттер санаты үшін (бар болса);

9) студенттің мүгедектігін растайтын құжат.

*СҚКО жеке өтініш негізінде беріледі. Орындау мерзімі – 1 апта.

«Электрондық үкімет» веб-порталы арқылы өтінім беру үшін келесі сілтеме бойынша өтуге болады https://egov.kz/cms/ru/services/university_degree/pass203_mon

Өтінім беретін соңғы күн:  2021 жылдың 19 тамызы.

Барлық сұрақтар бойынша интернационалдандыру бөліміне хабарласыңыз (105 каб.) тел.: +7-7182-65-16-09 немесе эл.пошта: inter_pspi@mail.ru