Тарих

«Арнайы педагогика» білім беру бағдарламасының қалыптасу тарихы 1968 жылдан бастау алады. Сол жылы Павлодар мемлекеттік педагогикалық институтында анатомия және физиология кафедрасы құрылды. Кафедраның алғашқы меңгерушісі биология ғылымдарының кандидаты Виктор Моисеевич Деньгуб болды.

Виктор Моисеевич Деньгуб кәсіби оқытушылар ұжымын қалыптастыруға ерекше көңіл бөлді. Кафедра жұмысына тәжірибелі мамандар мен дарынды оқытушылар: А.И. Батькаев, Г.З. Химич, Э.К. Овчинникова, Н.П. Казакевич, Г.В. Слепченко, В.Г. Демченко, Ж.М. Мукатаева тартылды. Ұжымның жұмысы білім беру үдерісін жетілдіруге ғана емес, кафедраның ғылыми әлеуетін дамытуға да бағытталды. Кафедрада жұмыс істеген кезеңде В.М. Деньгуб, Г.З. Химич, Г.В. Слепченко және Ж.М. Мукатаева кандидаттық диссертацияларын қорғады.

2005 жылы педагогика кафедрасында 5В010500 «Дефектология» білім беру бағдарламасы ашылды.

2005–2009 жылдар аралығында кафедраны педагогика ғылымдарының кандидаты В.В. Сергеева басқарды.

2009 жылы құрылымдық қайта ұйымдастыру жүргізілуіне байланысты анатомия және физиология кафедрасына «Дефектология» мамандығы бойынша кадрлар даярлау бағыты берілді. Бұл өңірдегі арнайы педагогикалық білім берудің одан әрі дамуының маңызды кезеңіне айналды.

Әр жылдары кафедраны Ж.М. Мукатаева, Г.К. Даржуман, А.С. Динмухамедова, С.Ж. Кабиева, Т.Б. Кенжебаева, Б.А. Сатыбалдина басқарды. Әрбір басшы білім беру және ғылыми-әдістемелік қызметті дамытуға, кадрлық әлеуетті нығайтуға және болашақ мамандарды даярлау сапасын жетілдіруге өзіндік үлесін қосты.

2023 жылдан бастап қазіргі уақытқа дейін білім беру бағдарламасының жетекшісі – педагогика ғылымдарының кандидаты, қауымдастырылған профессор (доцент) Зульфия Шавалиевна Шавалиева.

2009 жылдан бастап қазіргі уақытқа дейін жоғары білікті профессорлық-оқытушылық құрам кезең-кезеңімен қалыптастырылып, нығайтылды, білім беру бағдарламасының материалдық-техникалық және ақпараттық базасы жетілдірілді. Оқу үдерісін тиімді ұйымдастыру үшін қажетті жағдайлар жасалып, оқу-әдістемелік әдебиеттер мен заманауи ақпараттық ресурстардың қолжетімділігі қамтамасыз етілді.

2013 жылдан бастап 5В010500 «Дефектология» мамандығы бойынша білім беру ұйымының практика базалары және әлеуетті жұмыс берушілермен тығыз өзара іс-қимылын көздейтін дуальды оқыту элементтері белсенді түрде қолданылып келеді. Осы бағыт аясында кафедра жұмыс берушілермен ынтымақтастық орнатып, оқу сабақтары мен практикалық даярлықтың бір бөлігі тікелей практика базаларында өткізіледі.

2020 жылы «Дефектология» білім беру бағдарламасы мазмұндық және ұйымдастырушылық тұрғыдан одан әрі даму кезеңінен өтіп, кейіннен «Арнайы педагогика» білім беру бағдарламасы болып қайта аталды.

2024 жылдан бастап есту қабілеті бұзылған тұлғаларды оқыту және сүйемелдеу саласында білікті мамандар даярлауға бағытталған жаңа «Сурдопедагогика» білім беру бағдарламасы табысты жүзеге асырылуда.

Павлодар педагогикалық университеті – өңірде арнайы педагогика және дефектология саласында мамандар даярлауды жүзеге асыратын жалғыз жоғары оқу орны.